अनादिकालापासून हत्तीचा वेगवेगळ्या कामांसाठी उपयोग केला जात आहे. अगदी युद्धांपासून ते<br />आजकालच्या अवजड सामानाची उचल करण्यासाठी सुद्धा हत्तींचा उपयोग केला जातो. आज हत्तींचा<br />उपयोग कमी झाला असला तरी त्यांच्या दातांसाठी सुद्धा त्यांची बेसुमार कत्तल करण्यात आली. परंतु<br />माणसाच्या अमानुषपणाची एक घटना उत्तर प्रदेश येथून आली आहे, येथे एका माहुताने हत्तीला गेले ५०<br />वर्षे एका साखळदंडात बांधून ठेवले होते. त्याच्यावर खूप अत्याचार केले जात होते, त्याला खायलासुद्धा<br />नीट दिले जात नव्हते. तिथल्या प्राणी मित्र संघटनेला जेव्हा ह्याची माहिती मिळाली तेव्हा त्यांनी त्या<br />हत्तीची तेथून सुटका केली. आणि त्याला अॅनिमल केअर सेंटर मध्ये पाठवण्यात आले आहे. जेव्हा त्याची<br />सुटका केली तेव्हा साखळ त्याच्या पायात रुतली होती. ५१ वर्षीय ह्या हत्तीचे नाव राजू आहे.
